Fyrirtækið er staðsett í Sviss og vill auglýsa sig í gegnum knattspyrnuheiminn. Um síðustu helgi var greint frá vilja fyrirtækisins að kaupa nafnaréttinn á Nývangi en nú berast fregnir frá Englandi sem herma að fyrirtækið sé í viðræðum um að gerast aðalstyrktaraðili Everton.

Merki fyrirtækisins SwissX yrði þá framan á treyjum Everton á næstu leiktíð og væri það í fyrsta sinn sem fyrirtæki á sviði kannabisframleiðslu myndi styrkja enskt úrvalsdeildarfélag.

SportPesa hefur verið helsti styrktaraðili Everton frá 2017.