Stefan í leik með Grindavík síðasta sumar.
Í hlaðvarpsþætti gærdagsins hjá Dr. Football var sagt frá því að Fjölnir í Pepsi Max-deild karla ætli sér að krækja í tvo leikmenn áður en mótið hefst eftir rúma viku.
Leikmennirnir eru þeir Björn Berg Bryde, sem er samningsbundinn Stjörnunni, og Stefan Alexander Ljubicic sem samdi við FC Riga í Lettlandi í vetur. Stefan er laus allra mála því samkomulag náðist um að rifta samningnum á dögunum. Fótbolti.net greindi frá því í síðustu viku að Fjölnir hefði áhuga á Birni Berg.
Leikmennirnir eru þeir Björn Berg Bryde, sem er samningsbundinn Stjörnunni, og Stefan Alexander Ljubicic sem samdi við FC Riga í Lettlandi í vetur. Stefan er laus allra mála því samkomulag náðist um að rifta samningnum á dögunum. Fótbolti.net greindi frá því í síðustu viku að Fjölnir hefði áhuga á Birni Berg.
Björn Berg (28 ára) er miðvörður lék að láni hjá HK á síðustu leiktíð og sóknarmaðurinn Stefan (20 ára) lék síðari hluta síðasta sumars með Grindavík.
„Þeir eru að reyna loka tveimur leikmönnum. Það á að klára Björn Berg Bryde og það á að klára Stefan Ljubicic," sagði Hjörvar Hafliðason en tók fram að Fjölnismenn væru í leit að fjármagni til að fjármagna þessa tvo leikmenn.
„Já vonandi (tekst þeim að safna fyrir þessum leikmönnum) þeim var spáð neðsta sætinu í spá Fótbolta.net. Ef þeir fá þessa tvo þá geta þeir alveg strítt liðum í kringum sig," sagði Kristján Óli Sigurðsson, sérfræðingur í þættinum.
Við þetta má bæta að Þorri Mar Þórisson, leikmaður KA, lék með Fjölni í æfingaleik gegn HK í síðustu viku.
Sjá einnig:
Spá Fótbolta.net - 12. sæti: Fjölnir
Fjölnir skoðar möguleika á að styrkja sig
Athugasemdir
