Bjarki Steinn Bjarkason hefur æft með U21 árs landsliðinu í þessari viku. U21 hópurinn er í undirbúningi fyrir undankeppni EM sem hefst í haust.
Bjarki er leikmaður Venezia á Ítalíu sem fór upp úr Serie B eftir umspil í maí. Á komandi leiktíð leikur liðið því í deild þeirra bestu. Bjarki gekk í raðir Venezia frá ÍA síðasta haust. Fótbolti.net ræddi við Bjarka fyrir æfingu landsliðsins í dag.
Bjarki er leikmaður Venezia á Ítalíu sem fór upp úr Serie B eftir umspil í maí. Á komandi leiktíð leikur liðið því í deild þeirra bestu. Bjarki gekk í raðir Venezia frá ÍA síðasta haust. Fótbolti.net ræddi við Bjarka fyrir æfingu landsliðsins í dag.
„Það er mjög góð tilfinning að vera kominn heim til Íslands. Alltaf gott að koma hérna, hitta strákana og spila bolta með þeim eftir gott tímabil úti."
Ertu sáttur við tímabilið úti?
„Já, persónulega er ég þokkalega sáttur, maður vill samt alltaf meira svo sem. Til að byrja með var ég að koma mér mjög vel inn í hlutina og kannski framar vonum. Svo fékk ég covid í janúar og það var smá skref aftur á bak en í heild var þetta þokkalegt."
Urðu einhver eftirköst eftir að hafa fengið veiruna, hvernig ertu í dag?
„Ég er mjög góður í dag, ég fann voða lítið fyrir þessu. Þetta var langt ferli og erfitt að komast inn í liðið eftir á en ég er ferskur í dag."
Venezia verður í Serie A á næsta tímabili.
„Það var heldur betur krydd ofan á gott tímabil. Það var mjög sætt í lokin að komast upp eftir alla þessa leiki í umspilinu. Það var svakaleg stemning í hópnum og við kláruðum þetta vel sem var geðveikt, geðveik tilfinning."
Venezia fór upp á eftir mark á 93. mínútu. Hvernig var að sjá það mark?
„Það var fáránlega sætt. Við fögnuðum þessu rosalega vel og þetta var bara snilld," sagði Bjarki.
Nánar var rætt við Bjarka og má sjá það í spilaranum hér að ofan
Athugasemdir