„Heldur betur að vinna í þessu.“
Sagði Sigurbjörn Hreiðarsson þjálfari Grindavíkur um hvort hann væri ekki sáttur með stigin þrjú eftir sigur á Selfyssingum í miklum rokleik á Grindavíkurvelli fyrr í kvöld. Sigurbjörn hélt síðan áfram,
Sagði Sigurbjörn Hreiðarsson þjálfari Grindavíkur um hvort hann væri ekki sáttur með stigin þrjú eftir sigur á Selfyssingum í miklum rokleik á Grindavíkurvelli fyrr í kvöld. Sigurbjörn hélt síðan áfram,
Lestu um leikinn: Grindavík 1 - 0 Selfoss
„Þetta eru bara tveir leikir. Það er fyrri hálfleikur með vindi og svo á móti. Þú veist ekkert hvað gerist, boltarnir detta hérna og fara í loftið og það er bara að harka þetta og reyna að fá eitthvað út úr sénsunum sem við fáum.“
Grindvíkingar lögðu fram beiðni um að leiknum yrði frestað þar sem veðurspá fyrir leikinn var slæm en Selfyssingar hafi hafnað þeirri ósk þeirra og því hafi leikurinn farið fram. Um þetta sagði Sigurbjörn.
„Við vildum færa leikinn og spila hann við boðlegar aðstæður. En það verða allir að vera sammála því og það var ekki þannig en vip spilum þá bara leikinn. Ég hef nú samt verið í verri aðstæðum en þetta þannig að við ætlum ekki að væla yfir því. Við bara mætum ef við eigum að spila og gerum það. “
Undir lok leiks varð smá hasar við varamannabekk Grindavíkur þar sem meðal annar rautt spjald fór á loft. Hvað gekk þar á?
„Það var einn frá þeim sem var mjög ósáttur við að við skyldum ekki láta boltann vera og veður hérna inn í okkar boðvang. Sá ágæti maður hann komst ekki óáreittur til baka. Menn voru ekki ánægðir með það gerðist eitthvað sem ég veit ekki hvað var. “
Sagði Sigurbjörn en allt viðtalið má sjá hér að ofan.
Athugasemdir