Ítalskir fjölmiðlar greina frá því að markvörðurinn Gianluigi Donnarumma sé búinn að skrifa undir samning við Paris Saint-Germain.
Donnarumma mun þó ekki spila fyrir franska stórveldið fyrr en á næsta ári, hann verður lánaður aftur í ítalska boltann í eitt ár og er orðaður við markmannsstöðuna hjá Atalanta.
Donnarumma er 22 ára gamall og skiptir um félag á frjálsri sölu eftir að samningur hans við AC Milan rann út.
Donnarumma þykir einn af bestu markvörðum heims og er aðalmarkvörður ítalska landsliðsins. Hann á 25 leiki að baki fyrir A-landsliðið þrátt fyrir ungan aldur.
Keylor Navas er aðalmarkvörður PSG. Sergio Rico er varamarkvörður.
Athugasemdir