Að sögn Keane er Grealish afar mikilvægur fyrir England sem spilar á EM sem hefst 11. júní.

Keane fer svo langt að líkja Grealish við Cristiano Ronaldo sem er einn besti knattspyrnumaður sögunnar.

„Hann er stjarnan, hann kemur hlutunum af stað," sagði Keane í samtali við ITV.

„Hann er hugrakkur og vill alltaf fá boltann í litlum svæðum. Eins og Cristiano Ronaldo hjá Portúgal. Þú þarft svona leikmenn í liðið."

Grealish er á mála hjá Aston Villa og átti fínan leik í 1-0 sigri Englands í gær.