Danski sóknarmaðurinn Nicklas Bendtner er búinn að leggja skóna á hilluna eftir vægast sagt skrautlegan feril. Hann er 33 ára gamall.
Bendtner hóf atvinnumannaferilinn hjá Arsenal þar sem hann skoraði í heildina 45 mörk í 171 leik. Hann var þekktur fyrir óbilandi sjálfstraust þar sem hann lýsti því yfir að hann ætlaði að verða einn af bestu knattspyrnumönnum heims.
Meiðsli settu strik í reikninginn en Bendtner skoraði 12 mörk í 31 leik á sínu besta tímabili með Arsenal. Þá var hann 22 ára gamall.
Bendtner gerði góða hluti með danska landsliðinu og skoraði 24 mörk í fyrstu 57 leikjunum.
Hann lék meðal annars fyrir Juventus, Wolfsburg, Sunderland og Rosenborg og var reglulega í fjölmiðlum af hinum ýmsu ástæðum.
Til dæmis er hann titlaður Lord Bendtner eftir að Se og Hør keypti land fyrir hann í Skotlandi.
Now that Nicklas Bendtner has retired, it leaves just Messi and Ronaldo fighting it out over who is the best player in the world.
— Paddy Power (@paddypower) June 3, 2021
Athugasemdir