Kieran Tierney, leikmaður Arsenal, elskar að vinna fyrir Mikel Arteta sem er stjóri enska félagsins í dag.
Arteta hefur ekki alveg staðist væntingar í stjórastólnum á Emirates en liðið hafnaði í áttunda sæti deildarinnar á tímabilinu og datt úr leik í undanúrslitum Evrópudeildarinnar.
Tierney er þó gríðarlega ánægður með Spánverjann og segist vera betri leikmaður í dag vegna hans.
Tierney er aðeins 23 ára gamall en er orðinn lykilmaður í Arsenal eftir að hafa komið frá Celtic árið 2019.
„Ég hlusta á allt sem stjórinn segir við mig, hvert einasta orð," sagði Tierney í samtali við Sun.
„Ég elska að vinna fyrir hann, hann hefur hjálpað mér gríðarlega mikið. Það er hægt að sjá mun á mínum leik síðustu 18 mánuðina og það er honum og þjálfarateyminu að þakka."
„Ég hef fylgt þeirra ráðum á hverjum degi. Ég er þakklátur fyrir það sem hann hefur gert fyrir mig."
Athugasemdir