Finnland spilar í B-riðli með Belgíu, Danmörku og Rússlandi. Riðillinn verður spilaður í Kaupmannahöfn og í Rússlandi.

Það er mikil spenna í Finnlandi fyrir mótinu og hefur Evrópumótið aukið áhuga þjóðarinnar á fótbolta. Íshokkí er gríðarlega vinsælt í landinu en fótbolti er núna að verða vinsælli.

Markku Kanerva, þjálfari Finnlands, segir í viðtali við Yahoo Sports að hann líti á Ísland sem innblástur. Ísland fór á EM 2016 og komst þar alla leið í átta-liða úrslit með liðsheildina að vopni.

Kanerva segist hafa boðið Lars Lagerback, sem stýrði Íslandi á EM 2016, að ræða við leikmannahóp sinn fyrir mótið og deila góðum leyndarmálum. Lagerback er núna í þjálfarateymi íslenska landsliðsins en það kemur ekki fram hvort hann hafi þegið boð Kanerva.