Íslenska U21 landsliðið gjörsamlega rúllaði yfir Liechtenstein í undankeppni EM.
Strákarnir okkar gerðu út um viðureignina með þremur mörkum á fyrstu tíu mínútunum en létu sér það ekki nægja og var staðan orðin 8-0 í leikhlé. Atli Barkarson gerði níunda markið í síðari hálfleik og urðu lokatölur 9-0 í þessum stærsta sigri í sögu U21 landsliðsins.
Lestu um leikinn: Ísland U21 9 - 0 Liechtenstein U21
„Við spiluðum bara mjög vel og reyndum að fara eftir okkar gildum og við gáfum bara í eftir hvert mark sem við skoruðum og vildum bara að þróa okkur sem leikmenn og sem lið." Sagði Andri Fannar Baldursson leikmaður Íslands eftir leikinn í dag.
Íslenska liðið fór með 8-0 forystu inn í hálfleikinn sem var jöfnun á meti hjá U21 landsliði karla. Íslenska liðið skoraði svo bara eitt mark í síðari hálfleik en Andri Fannar vildi ekki meina að menn hefðu slakað á.
„Það er nátturlega ekkert eðlilegt að vera komnir í 8-0 yfir í hálfleik en það gerðist og við skoruðum eiginlega úr öllum færum sem við fengum þannig það var bara mjög jákvætt."
„Ég myndi kannski ekki segja að við slökuðum mikið á en við kannski héldum bara aðeins meira í boltann."
Nánar er rætt við Andra Fannar Baldursson í spilaranum hér fyrir ofan.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |