Það eru tveir stórleikir á dagskrá í Þjóðadeildinni í kvöld og hafa öll byrjunarliðin verið staðfest.
Belgía tekur á móti Hollandi í alvöru nágrannaslag og mæta báðar þjóðir til leiks með sterk byrjunarlið þar sem Kevin De Bruyne og Frenkie de Jong mætast á miðjunni.
Virgil van Dijk, Steven Bergwijn, Memphis Depay og hinn umtalaði Jurriën Timber eru meðal byrjunarliðsmanna Hollendinga og halda þeir mönnum á borð við Matthijs de Ligt, Stefan de Vrij og Wout Weghorst á bekknum.
Eden Hazard ber fyrirliðaband Belga og eru margir af bestu leikmönnum þjóðarinnar í byrjunarliðinu. Hans Vanaken, eftirsóttur framherji Club Brugge, er í byrjunarliðinu á meðan menn á borð við Yannick Carrasco, Dries Mertens og Youri Tielemans byrja á bekknum.
Belgía: Mignolet, Alderweireld, Boyata, Vertonghen, Meunier, De Bruyne, Witsel, Castagne, Vanaken, E. Hazard, Lukaku
Holland: Cillessen, Timber, Van Dijk, Ake, Dumfries, Berghuis, Klaassen, De Jong, Blind, Bergwijn, Depay
Þá er annar stórleikur á dagskrá í Frakklandi þar sem heimsmeistararnir mæta sterku liði Dana.
Frakkar eru ekkert að spara sig og mæta til leiks með sínar helstu stjörnur í byrjunarliðinu. Paul Pogba er ekki í hóp og þá er ekkert pláss fyrir hinn funheita Christopher Nkunku í byrjunarliðinu.
Lucas og Theo Hernandez byrja báðir og virðist Stephan Guy landsliðsþjálfari Frakka ætla að nota Kingsley Coman í stöðu hægri vængbakvarðar. Kylian Mbappe og Karim Benzema leiða sóknarlínuna ásamt Antoine Griezmann.
Christian Eriksen er í byrjunarliði Dana ásamt mönnum á borð við Pierre-Emile Höjbjerg, Thomas Delaney, Joakim Mæhle og Kasper Dolberg.
Danski bekkurinn er einnig sterkur þar sem Kasper Hjulmand landsliðsþjálfari getur reitt sig á menn eins og Yussuf Poulsen, Martin Braithwaite, Andreas Cornelius og Mikkel Damsgaard.
Frakkland: Lloris, Kounde, Varane, L. Hernandez, Coman, Kante, Tchouameni, T. Hernandez, Griezmann, Mbappe, Benzema
Danmörk: Schmeichel, Andersen, Nelsson, Vestergaard, Mæhle, Höjbjerg, Delaney, Wass, Eriksen, Skov Olsen, Dolberg
