Íslenska U21 landsliðið gjörsamlega rúllaði yfir Liechtenstein í undankeppni EM.
Strákarnir okkar gerðu út um viðureignina með þremur mörkum á fyrstu tíu mínútunum en létu sér það ekki nægja og var staðan orðin 8-0 í leikhlé. Atli Barkarson gerði níunda markið í síðari hálfleik og urðu lokatölur 9-0 í þessum stærsta sigri í sögu U21 landsliðsins.
Lestu um leikinn: Ísland U21 9 - 0 Liechtenstein U21
„Sáttur með góða frammistöðu, sáttur með að vinna. Við ætluðum að spila á milli lína, við ætluðum að æfa ákveðnar hreyfingar á köntunum og vera fljótir að vinna boltann aftur og þetta gekk allt upp og svo komu mörkin ofan á það. Mjög sáttur með góða byrjun á þessum glugga." Sagði Davíð Snorri Jónasson eftir leiks liðsins í dag.
Íslenska liðið fór með 8-0 forystu inn í hálfleikinn sem var jöfnun á meti hjá U21 landsliði karla.
„Við vorum ekkert að gera ráð fyrir því sérstaklega. Við ætluðum bara að gera þessa hluti vel. Mótið er búið að vera nokkuð gott fyrir okkur og við ætluðum að byrja þetta vel, 8-0 er mikið en við spiluðum líka bara mjög vel."
Næstu leikir Íslands eru gegn Hvíta Rússlandi og Kýpur og svo sannarlega möguleiki á 9 stiga glugga.
„Markmiðið var bara að byrja þetta sterkt og í líka bara að fylgja eftir frábærri frammistöðu A landsliðsins í gær og það eru 5 heimaleikir og við erum svolítið að reyna grípa fólkið með okkur."
Nánar er rætt við Davíð Snorra í spilaranum hér fyrir ofan.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |