Fjölnir 3 - 1 KV
1-0 Viktor Andri Hafþórsson ('29)
1-1 Askur Jóhannsson ('38)
2-1 Hákon Ingi Jónsson ('75)
3-1 Dagur Ingi Axelsson ('90)
Lestu um leikinn: Fjölnir 3 - 1 KV
Fjölnir og KV áttust við í Lengjudeildinni í kvöld og byrjuðu heimamenn talsvert betur.
Þeir verðskulduðu að taka forystuna þegar Viktor Andri Hafþórsson skoraði á 29. mínútu en gestirnir úr Vesturbænum jöfnuðu fyrir leikhlé. Þar var Askur Jóhannsson á ferðinni þegar hann skallaði hornspyrnu í netið.
Vesturbæingar virtust lifna við eftir jöfnunarmarkið og var staðan 1-1 í leikhlé.
Það var lítið sem ekkert að frétta í síðari hálfleik þar til Hákon Ingi Jónsson kom Fjölnismönnum yfir á nýjan leik eftir einfalda sókn upp kantinn þegar stundarfjórðungur var eftir.
KV menn sóttu í sig veðrið á lokakaflanum en náðu ekki jöfnunarmarkinu. Þeir vildu fá vítaspyrnu í tvígang en að lokum voru það Fjölnismenn sem skoruðu síðasta markið og niðurstaðan 3-1 sigur.
Lúkas Logi Heimisson fór framhjá fjórum Vesturbæingum en skot hans var varið í uppbótartíma. Dagur Ingi Axelsson fylgdi eftir með marki.
Fjölnir er í öðru sæti Lengjudeildarinnar með tíu stig, þremur stigum eftir toppliði Selfoss. KV er áfram á botninum, án stiga.
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |