„Mér fannst hann bara mjög jafn leikur og mjög svekktur að fá ekkert út úr honum." sagði Sigurvin eftir 3-1 tap gegn Fjölni í 5. umferð Lengjudeild karla í kvöld.
Lestu um leikinn: Fjölnir 3 - 1 KV
Hvernig lögðuð þið leikinn upp?
„Svo sem eins og alltaf bara, þetta er á grasi og við erum ekki búnir að spila mikið á grasi þannig að ná aðeins áttum á því. Finna bara baráttuna og spilið kæmi svo í kjölfarið og þessi leikur er bara í jafnvægi eiginlega allan tímann. Þeir auðvitað í nauðvörn hérna í lokin. Það lak inn tvisvar hjá þeim en bara einu sinni hjá okkur."
Hvað fannst þér um öll vafaatriðin í lok leiks?
„Mér fannst auðvitað margt mjög skrítið. Ég held að við eigum að fá allavega tvær vítaspyrnur, allavega eina þegar boltinn fer klárlega í hendina á varnarmanninum, ekki í náttúrulegri stöðu. En það virðist vera eitthvað auðvelt að sleppa hjá okkur, litla KV. Það er mjög auðvelt að sleppa þar. Svo á Steini skot í teig, búinn að skjóta þá er einhver sem rennir sér í löppina á honum og sparkar í hann. Eitthvað sem við fengum gult spjald fyrir í fyrri hálfleik út á miðjum velli. En inn í teig virðist það ekki vera vítaspyrna að þessu sinni."
KV eru ennþá stigalausir eftir fimm leiki og aðspurður hvort hann hafi búist við svona erfiðri byrjun, hafði hann þetta að segja:
„Ég bjóst alveg við því að hún yrði erfið, búnir með fjóra útileiki og bara einn heima og á móti sterkum liðum. En þetta eru svo sem allt sterk lið og að sjálfsögðu var ekki í dagatalinu að sjá fyrir sér núll stig eftir fimm umferðir. En ég meina, eins fáranlegt og það er þá hef ég ekkert stórkostlegar áhyggjur. Í dag erum við að spila á útivelli við Fjölni og í versta falli ætti hann að fara jafntefli. En við töpuðum."
Viðtalið má sjá í heild sinni hér að ofan
Athugasemdir