mið 03. júlí 2019 08:30
Brynjar Ingi Erluson
Lofar að kyssa þann leikmann sem tryggir sigur í Copa America
Hver verður kysstur? Jefferson Farfan, Andre Carrillo eða Christian Cueva?
Hver verður kysstur? Jefferson Farfan, Andre Carrillo eða Christian Cueva?
Mynd: Getty Images
Copa America-keppnin er í fullum gangi og fer síðari undanúrslitaleikurinn fram í nótt er Síle og Perú mætast í hörkuleik en þekkt leikkona í Perú hefur lofað því að kyssa þann leikmann þjóðarinnar sem tryggir sigur í úrslitaleiknum.

Perú hefur verið að gera fína hluti síðustu ár en nú er heldur betur mikið undir.

Perú sendi Úrúgvæ heim í 8-liða úrslitum og nú mætir liðið ríkjandi meisturum Síle.

Stephanie Cayo, þekkt leikkona frá Perú, hefur lofað að kyssa þann leikmann Perú sem tryggir sigur í Copa America. Cayo hefur verið þekkt fyrir leik sinn í þáttunum Club de Cuervos og Yucatan, sem eru á Netflix, en þetta er áhugaverð nálgun hjá henni í að hvetja leikmennina.

„Við viljum gefa koss til landsliðsins. Ég er svo að íhuga það mjög alvarlega að kyssa þann leikmenn Perú sem skorar sigurmarkið í úrslitunum. Það yrði auðvitað að vera með hans leyfi!" sagði hún á Twitter.






Athugasemdir
banner
banner