Megan Rapinoe, fyrirliði bandaríska liðsins, hafði verið að glíma við meiðsli í nára og var því sett á bekkinn í gær og var það í verkahring Jill Ellis, þjálfara bandaríska liðsins, að finna leikmann í stað hennar.

Press kom inn í liðið og skoraði strax í byrjun leiks. Þetta var hennar 49. mark fyrir bandaríska landsliðið en hún segist hafa fundið sína innri Carli Lloyd í gær.

Lloyd er jú ein besta knattspyrnukona allra tíma en hún hefur skorað tvö mörk á HM í ár og 113 mörk í heildina fyrir landsliðið.

„Þetta er klikkun. Það eru svo margar tilfinningar að flæða á þessari stundu. Þvílík liðsheild og styrkur að halda þessari yfirvegun og klára dæmið, það er ótrúlegt," sagði Press.

„Ég hef verið að fylgjast með Carli Lloyd í skallaboltum, þannig ég fann mína innri Carli Lloyd þarna á þessu augnabliki," sagði hún í lokin.