Tveir Íslendingar áttust við í norsku úrvalsdeildinni í dag er Bodo/Glimt og Viking mættust í fjögurra marka leik.
Alfons Sampsted er á mála hjá Bodo/Glimt og spilaði hann 92 mínútur í hægri bakverði.
Samúel Kári Friðjónsson spilar með Viking en hann var tekinn af velli á 68. mínútu í leik sem lauk með 2-2 jafntefli.
Veton Berisha skoraði bæði mörk Viking í leiknum og Patrick Berg gerði slíkt hið sama fyrir Bodo/Glimt.
Bodo/Glimt er tveimur stigum frá toppliði Molde í öðru sæti deildarinnar en Viking er í því fimmta eftir tvö jafntefli í röð.
Athugasemdir