Það voru tveir Íslendingar í byrjunarliði Norrkoping eða þeir Ísak Bergmann Jóhannesson og Ari Freyr Skúlason.

Norrkoping vann sterkan 3-2 heimasigur á toppliðinu og lyfti sér upp í þriðja sæti deildarinnar.

Annað mark leiksins skoraði Ari Freyr en það var Ísak sem lagði upp markið á samherja sinn í landsliðinu.

Þetta var fyrsti sigur Norrkoping í dágóðan tíma en sá síðasti var gegn AIK þann 10. maí síðastliðinn.

Norrkoping er sex stigum frá Malmö en á leik til góða í toppbaráttunni.