Rakel Hönnudóttir er búin að jafna sig eftir leikinn gegn Þýskalandi en hún þurfti að fara af velli eftir krampa og kastaði upp í kjölfarið.
„Þetta var bara krampi sem ég fékk og við erum með mjög góða sjúkraþjálfara þannig að þetta er allt komið í lag. Það er mjög vel hugsað um okkur hérna og við erum í nokkuð góðri þjálfun að ná 'recoveri' milli leikja. Við erum búin að fá æfingu í því frá Algarve cup og EM svo að við reynum að gera allt rétt,” sagði Rakel.
Rakel segir landsliðið vera búið að stroka út tapið gegn Þýskalandi og segir lykilinn að landsliðið þurfi að eiga toppleik til þess að sigra Tékkland sem eru öflugar.
Þá er Rakel ekki að svekkja sig á leiktímanum en vonast einnig eftir því að sem flestir taki sér frí frá vinnu og fjölmenni á völlinn.
Hér að ofan má sjá viðtalið í heild sinni.
Miðasala á leikinn er í gangi á tix.is
Athugasemdir