Keflavík lagði Fjölni að velli er liðin mættust í fyrri leik kvöldsins í Lengjudeild kvenna.

Keflavík hélt boltanum vel í leiknum en átti erfitt með að brjóta agaða vörn gestanna á bak aftur.

Paula Watnick kom Keflavík yfir í fyrri hálfleik en Marta Björgvinsdóttir náði að jafna eftir leikhlé.

Fjölnisstúlkur spiluðu góðan varnarleik en Keflvíkingar náðu að lokum að brjótast í gegn og skora sigurmarkið. Það gerði fyrirliðinn Natasha Moraa Anasi á 83. mínútu.

Dusan Ivkovic þjálfari Fjölnis fékk rautt spjald á lokamínútunum.

Keflavík er á toppinum eftir sigurinn en mun missa sætið innan skamms þar sem Tindastóll er tveimur mörkum yfir gegn Augnabliki. Þegar þeim leik lýkur mun Keflavík vera í öðru sæti, einu stigi eftir Tindastóli sem á leik til góða.

Það tekur tíma fyrir stöðutöfluna að uppfærast.