Klaemint Olsen kom Færeyingum yfir í fyrri hálfleik en gestirnir frá Möltu sneru stöðunni við og leiddu allt þar til í lokin.

Andreas Olsen jafnaði metin á 87. mínútu og gerði Brandur Olsen, fyrrum leikmaður FH, sigurmarkið skömmu síðar.

Markið var ekki af verri endanum þar sem Brandur skoraði beint úr aukaspyrnu til að tryggja sínum mönnum þrjú stig.

Brandur, sem verður 25 ára í desember, skoraði 16 mörk í 48 keppnisleikjum hjá FH. Hann er í dag leikmaður Helsingborg og hefur spilað 13 leiki af 18 hjá félaginu það sem af er tímabils. Helsingborg er í fallbaráttu í efstu deild sænska boltans sem stendur.