Úr leik KFG og Vestra árið 2019
Tveir leikir fóru fram í 3. deild í kvöld. Elliði fékk Augnablik í heimsókn og KFG fékk ÍH í heimsókn.
Elliði vann Augnablik með fjórum mörkum gegn einu. Elliði er í baráttu um annað sætið í deildinni. Liðið er stigi á eftir Ægi sem á þó tvo leiki til góða.
KFG vann 2-0 sigur á ÍH. ÍH lék manni færri síðustu 10 mínúturnar en Arnar Sigþórsson fékk að líta rauða spjaldið. Gylfi Karl Gíslason kom KFG yfir úr vítaspyrnu þegar skammt var eftir og Kári Pétursson skoraði seinna markið þegar komið var framyfir venjulegan leiktíma.
KFG er með jafn mörg stig og Elliði en á leik til góða. ÍH er í fallbaráttu en liðið er aðeins einu stigi frá fallsæti. Umferðin klárast á morgun með fjórum leikjum.
Elliði 4-1 Augnablik
KFG 2-0 ÍH
1-0 Gylfi Karl Gíslason ('87)
2-0 Kári Pétursson ('90)
Rautt spjald: Arnar Sigþórsson ('81)
Athugasemdir
