Evrópumeistaralið Ítalíu hefur ekki tapað í síðustu 35 leikjum liðsins en það gerði 1-1 jafntefli við Búlgaríu í undankeppni HM í gær.
Federico Chiesa gerði mark Ítalíu á 16. mínútu áður en gestirnir jöfnuðu á 39, mínútu.
Ítalir voru með mikla yfirburði á vellinum og með ólíkindum að liðið hafi ekki landað sigri.
Liðið hefur ekki tapað í síðustu 35 leikjum og hefur nú jafnað met Brasilíu og Spánar.
Spánn tapaði ekki í 35 leikjum frá 2007 til 2009 á meðan Brasilía gerði slíkt hið sama frá 1993 til 1996.
Ítalía er því einum leik frá því að bæta metið en það mætir Sviss í undankeppninni um helgina.
Athugasemdir