Miðjumaðurinn Arturo Vidal ákvað að skella sér á Instagram tapleik gegn Brasilíu síðastliðna nótt.
Leikurinn endaði með 1-0 sigri Brasilíu þar sem Everton Ribeiro skoraði sigurmark Brasilíu um miðbik seinni hálfleiks.
Vidal spilaði allan leikinn fyrir Síle, en eftir leik ákvað hann að skjóta á Richarlison, leikmann Everton og brasilíska landsliðsins, í 'story' á Instagram.
„Hver þekkir þennan trúð?" skrifaði Vidal við mynd af Richarlison, en það var áhugavert í ljósi þess að Richarlison spilaði ekki leikinn.
Richarlison hafði þó eitthvað verið að grínast í Vidal á samfélagsmiðlum og var miðjumaðurinn ekkert mjög sáttur við það. Hann ákvað því að kalla Richarlison 'trúð'.
Það verður áhugavert að sjá hvernig fer þegar þessir tveir mætast næst á fótboltavellinum, ef það gerist. Vidal er ekkert lamb að leika sér við.
Arturo Vidal has posted a picture of Richarlison on his Instagram story saying “Who is this clown?" after Chile's 1-0 loss vs. Brazil last night 😂 pic.twitter.com/h4zankH72D
— Footy Accumulators (@FootyAccums) September 3, 2021
Athugasemdir