lau 03. september 2022 12:50
Aksentije Milisic
Hundruðir stuðningsmanna Liverpool misstu af byrjun leiksins
Stuðningsmenn Liverpool.
Stuðningsmenn Liverpool.
Mynd: EPA

Þessa stundina eigast við Everton og Liverpool á Goodison Park í Liverpool borg.


Hundruðir stuðningsmanna Liverpool misstu af byrjun leiksins en þeir sáust standa fyrir utan leikvanginn þegar flautað var til leiks.

Stemningin á vellinum hjá heimamönnum var mikil en margir af stuðningsmönnum Liverpool voru ekki mættir inn á völlinn.

Ástæðan er ekki alveg ljós hvers vegna stuðningsmennirnir komust ekki inn en mikil eftirspurn hefur verið eftir miðum á leikjum sem þessum.

Rétt áður en leikurinn hófst sást í útsendingunni þegar sýnt var yfir leikvanginn að töluverður fjöldi stuðningsmanna gestanna beið enn eftir því að komast inn.


Athugasemdir
banner
banner