Þessi 33 ára gamli sóknarmaður er falur á frjálsri sölu eftir sjö ára dvöl hjá Paris Saint-Germain en launakröfur hans eru himinháar.

Samningsviðræður eru í gangi og er Sky Sports meðal fjölmiðla sem telur miklar líkur á að samkomulag náist.

Cavani myndi skrifa undir tveggja ára samning við Rauðu djöflana og vonast stjórn félagsins til að koma hans myndi hafa svipuð áhrif og koma Zlatan Ibrahimovic sumarið 2016.

Auk þess að vera framherji í heimsklassa gæti Cavani hjálpað ungum mönnum á borð við Mason Greenwood, Marcus Rashford og Anthony Martial að bæta sinn leik.