Chilwell skoraði og lagði upp.
Chelsea 4 - 0 Crystal Palace
1-0 Ben Chilwell ('50 )
2-0 Kurt Zouma ('66 )
3-0 Jorginho ('78 , víti)
4-0 Jorginho ('82 , víti)
1-0 Ben Chilwell ('50 )
2-0 Kurt Zouma ('66 )
3-0 Jorginho ('78 , víti)
4-0 Jorginho ('82 , víti)
Chelsea hafði betur gegn Crystal Palace þegar liðin áttust við í fyrsta leik dagsins í ensku úrvalsdeildinni.
Fyrri hálfleikurinn var ekki mikið fyrir augað og gestirnir gerðu vel í að loka á sóknaraðgerðir Chelsea. Í seinni hálfleiknum gegn Chelsea á lagið.
Á 50. mínútu kom fyrsta markið og þar var að verki Ben Chilwell, sem var að spila sinn fyrsta leik í ensku úrvalsdeildinni með Chelsea. Eftir klaufagang í vörn Palace barst boltinn á fjærstöngina þar sem Chilwell kom á ferðinni og hamraði boltanum í netið.
Annað mark leiksins á 66. mínútu þegar Kurt Zouma skoraði, stuttu eftir að Edouard Mendy hafði varið vel skot frá Jordan Ayew. Chilwell átti fyrirgjöf sem Zouma skallaði í netið.
Jorginho skoraði tvö mörk úr vítaspyrnum áður en flautað var til leiksloka og lokatölur 4-0 fyrir Chelsea sem er komið aftur á sigurbraut í deildinni. Chelsea er í fjórða sæti með sjö stig og Palace í áttunda sæti með sex stig. Bæði lið hafa spilað fjóra leiki.
Athugasemdir
