Dominic Calvert-Lewin er búinn að koma Everton yfir gegn Brighton í ensku úrvalsdeildinni.
Calvert-Lewin skoraði eftir fyrirgjöf frá landsliðsmanninum Gylfa Þór Sigurðssyni, sem er að byrja sinn fyrsta leik í ensku úrvalsdeildinni á þessari leiktíð.
Fyrirgjöfin var einstaklega góð hjá Gylfa á fjærstöngina þar sem Calvert-Lewin kom á ferðinni og skallaði boltann í netið.
Markið má sjá hérna.
Framundan eru landsliðsverkefni og er Gylfi í íslenska landsliðshópnum sem mætir Rúmeníu í umspili fyrir undankeppni EM. Calvert-Lewin er í enska landsliðshópnum en hann er búinn að skora níu mörk í öllum keppnum á þessu tímabili, meira en nokkur annar leikmaður í fimm sterkustu deildum Evrópu.
9 - Dominic Calvert-Lewin has scored more goals than any other player for a top five European league side in all competitions this season (9). Form. #EVEBHA pic.twitter.com/JikdMZUNva
— OptaJoe (@OptaJoe) October 3, 2020
Athugasemdir