Íslendingar gerðu gott mót um alla evrópu í dag.
Andri Lucas Guðjohnsen sem lék sína fyrstu A-landsleiki í síðasta landsliðsglugga og skoraði sitt fyrsta mark lék með Real Madrid B í dag í 2-2 jafntefli gegn Baleares. Hann skoraði seinna mark liðsins.
Honum var skipt af velli undir lok leiksins og inn í hans stað kom hinn 19 ára gamli Theo Zidane, sonur Zinedine Zidane.
Stefán Teitur Þórðarsson skoraði eitt marka Silkeborg í 4-1 sigri á Nordsjælland í dönsku úrvalsdeildinni. Kvennalið West Ham gerði jafntefli gegn Man City í dag. Dagný Brynjarsdóttir kom West Ham yfir með sínu fyrsta marki fyrir félagið.
Kvennalið Celtic vann stórsigur á Partick Thistle 6-0. Maria Catharina Ólafsdóttir Gros skoraði eitt mark.
Athugasemdir