Aurier, sem er 28 ára gamall, hefur verið án félags frá því hann komst að samkomulagi um að rifta samningi sínum við enska félagið Tottenham Hotspur.

Hann hefur verið að skoða tilboð frá nokkrum félögum síðustu vikur en nú er greint frá því að hann sé að skrifa undir samning hjá Villareal.

Samkvæmt Carrusel Deportivo mun Aurier fara í læknisskoðun hjá Villarreal á morgun áður en hann skrifar undir hjá félaginu.

Aurier er fyrirliði Fílabeinsstrandarinnar þar sem hann hefur spilað 70 landsleiki og skorað 3 mörk. Hann hefur spilað fyrir Lens, Toulouse, Paris Saint-Germain og Tottenham á atvinnumannaferli sínum.