Heimild: 433.is
Íslenski landsliðsmaðurinn Jóhann Berg Guðmundsson hefur ákveðið að draga sig úr landsliðshópnum fyrir leikina gegn Armeníu og Liechtenstein í undankeppni HM. Það er 433.is sem greinir frá þessu í kvöld.
Jóhann Berg er einn af lykilmönnum íslenska landsliðsins og hefur verið síðasta áratuginn en hann á 81 landsleik að baki og hefur skorað átta mörk.
Hann mun ekki taka þátt í landsliðsverkefninu í október vegna smávægilegra meiðsla en þetta fær 433.is staðfest frá KSÍ í kvöld.
Þá telur miðillinn líklegt að fleiri leikmenn gætu verið frá vegna meiðsla en KSÍ mun greina betur frá því á morgun.
Þetta er mikil blóðtaka fyrir íslenska liðið sem er þegar án margra lykilmanna fyrir verkefnið.
Athugasemdir