Sadio Mane tók forystuna fyrir Liverpool eftir gott spil heimamanna áður en Phil Foden jafnaði metin með föstu skoti í fjæhornið aðeins tíu mínútum síðar.

Mohamed Salah kom Liverpool aftur yfir með glæsilegu marki þar sem hann lék á þrjá varnarmenn og jafnaði Kevin de Bruyne svo með laglegu skoti fyrir utan teig.

Spænski miðjumaðurinn Rodri bjargaði marki á 87. mínútu. Jordan Henderson tók aukaspyrnu stutt á Salah sem kom boltanum inn í teig en Ederson, markvörður City, missti af knettinum, sem barst til Fabinho. Hann var einn gegn opnu marki og þurfti bara að pota honum inn en Rodri komst fyrir skotið á einhvern ótrúlegan hátt.

James Milner var þá stálheppinn að halda sér á vellinum þegar hann braut klaufalega af sér þegar tuttugu mínútur voru eftir. Hann var á spjaldi en þessi tvö atvik má sjá í spilurunum fyrir neðan.