Portúgalski sóknarmaðurinn Diogo Jota fer heldur betur vel af stað með Liverpool.
Hann var keyptur frá Úlfunum til Liverpool í sumar fyrir allt að 45 milljónir punda.
Hann er búinn að skora þrjú mörk í ensku úrvalsdeildinni í fimm leikjum, þar á meðal sigurmark gegn West Ham um síðustu helgi. Hann fékk að byrja gegn Atalanta í Meistaradeildinni í kvöld og er hann búinn að skora tvö mörk.
Hann er núna búinn að skora þrjú mörk í þremur leikjum í Meistaradeildinni, en Liverpool leiðir 2-0 á útivelli gegn Atalanta.
„Það verður einhver að ná í slökkvitæki og slökkva í manninum," sagði Rikki G í beinni útsendingu á Stöð 2 Sport þegar Jota skoraði annað mark sitt í leiknum gegn Atalanta.
„Hvað er að Diogo Jota? Reynið að útskýra það fyrir mér. Sá er klár í bátana. Þvílíkur happafengur fyrir Liverpool," sagði Guðmundur Benediktsson, Gummi Ben.
Hægt er að sjá mörk hans hérna og hérna.
Jota er: pic.twitter.com/fJgcnL5e36
— Sóli Hólm (@SoliHolm) November 3, 2020
Athugasemdir