Út af reglum vegna kórónuveirunnar hefur Valur ekkert náð að æfa í aðdraganada leiksins og nokkrir leikmenn liðsins voru einnig að klára sóttkví eftir að hafa spilað með landsliðinu í síðustu viku.

„Fyrst og fremst erum við bara þákklát fyrir að fá að spila og að geta lengt tímabilið aðeins. Undirbúningurinn hefur gengið vel, í draumaheimi hefðum leikmenn ekki þurft að fara í sóttkví en svona er bara staðan og við pælum ekkert í því og einbeitum okkur að þeim hlutum sem við höfum stjórn á,“ sagði Eiður en hann segir að staðan á hópnum sé góð.

„Staðan á leikmannahópnum er mjög góð. Óhjákvæmilega munum við þurfa að gera tvær breytingar á byrjunarliðinu frá síðasta leik sem við spiluðum í deildinni. en við erum við stóran hóp og breytir því ekki miklu máli þó leikmenn detti út, það koma alltaf aðrir inn á völlinn og stíga upp.“