Sænski varnarmaðurinn Sebastian Starke Hedlund hefur skrifað undir nýjan samning við Val.
„Sebastian Hedlund sem er 25 ára gekk í raðir Vals fyrir tímabilið 2018 og hefur stimplað sig inn sem einn allra besti leikmaður efstu deildar," segir á Facebook Vals.
„Hann hefur á ferli sínum leikið fyrir félög eins og Schalke 04, GAIS, Kalmar FF og á að baki leiki fyrir landslið Svía U17, 13 leikir, U19, 13 leikir og U21 9 leikir."
Hedlund spilaði ellefu leiki þegar Valur vann Pepsi Max-deildina í sumar en meiðsli settu strik í reikninginn hjá honum.
Hann fetar í fótspor Hauks Páls Sigurðssonar og Birkis Más Sævarssonar sem hafa einnig framlengt samninga sína við Val undanfarna daga.
Athugasemdir