Víkingur Ólafsvík mun mæta Ísbirninum í úrslitaleik Íslandsmótsins í Futsal eftir sigur gegn sameinuðu liði Aftureldingar og Hvíta riddarans í Laugardalshöllinni í dag.
Staðan var jöfn eftir venjulegan leiktíma og því þurfti að grípa til framlengingar líkt og í fyrri undanúrslitaleik dagsins, þar sem Ísbjörninn hafði betur gegn ríkjandi meisturum Vængja Júpíters eftir framlengdan leik.
Staðan var 1-1 eftir venjulegan leiktíma og var gríðarlega mikill hasar í framlengingunni, þar sem lokatölur urðu 3-5.
Víkingur Ó. hefur gert góða hluti í innanhúsboltanum undanfarin ár. Ólsarar unnu Íslandsmótið 2015 og 2016 en töpuðu úrslitaleiknum gegn Selfossi 2017. Þeir töpuðu svo fyrir Vængjum Júpíters í undanúrslitum 2018 og 2019.
Úrslitaleikurinn fer fram í hádeginu á morgun í Laugardalshölinni, klukkan 12:30.
Afturelding/Hvíti riddarinn 3 - 5 Víkingur Ó.
Athugasemdir
