Enski hægri bakvörðurinn Trent Alexander-Arnold var ekki að spila sinn besta leik er Liverpool tapaði fyrir Southampton á St. Mary's-leikvanginum í kvöld.
Alexander-Arnold hefur verið einn besti leikmaður Liverpool síðustu ár en kraftur hans fram á við hefur reynst liðinu vel og hefur hann skilað inn mörgum stoðsendingum.
Hann var sökudólgurinn gegn Southampton í kvöld þegar hann varðist illa í teig Liverpool eftir aukaspyrnu James Ward-Prowse en það leyfði Danny Ings að skora sigurmark leiksins.
Tölfræðin hjá Alexander-Arnold var slök í leiknum. Hann tapaði boltanum 38 sinnum í leiknum en enginn leikmaður í úrvalsdeildinni hefur tapað boltanum jafn oft og hann í einum leik á þessu tímabili.
Honum var skipt af velli á 77. mínútu leiksins fyrir James Milner en þetta var þriðji leikur Liverpool án sigurs í deildinni og er Manchester United núna í góðu færi á að koma sér á toppinn með leik til góða.
🥴 Trent Alexander-Arnold vs Southampton:
— WhoScored.com (@WhoScored) January 4, 2021
✅ Error leading to opposition goal
😬 Lost possession 38 times - a record in a PL match this season
🔁 Subbed off 77th-minute
🌡️ WS Rating 5.30 - lowest in nearly 12 months pic.twitter.com/B5UgQzpHLm
Athugasemdir