mán 04. janúar 2021 13:00
Magnús Már Einarsson
Benfica vill fá Gedson Fernandes til baka frá Tottenham
Mynd: Getty Images
Portúgalska félagið Benfica vill fá miðjumanninn Gedson Fernandes aftur í sínar raðir frá Tottenham.

Fernandes kom til Tottenham á 18 mánaða lánssamningi fyrir ári síðan en hann gæti snúið hálfu ári fyrr aftur til Benfica.

Hinn 21 árs gami Fernades hefur ekki ennþá byrjað leik í ensku úrvalsdeildinni og Benfica vill nú kalla hann fyrr til baka úr láni.

Samkvæmt frétt Sky Sports er talið að Tottenham sé tilbúið að láta Fernandes fara aftur til Benfica.

Samtals hefur Fernandes leikið þrettán leiki í öllum keppnum með Tottenham.
Athugasemdir
banner
banner
banner