Southampton og Liverpool eigast við á St. Mary's leikvanginum í ensku úrvalsdeildinni klukkan 20:00 í kvöld. Spænski miðjumaðurinn Thiago Alcantara kemur inn í lið Liverpool eftir að hafa glímt við meiðsli undanfarna mánuði.
Thiago meiddist á hné gegn Everton í október og tók hann rúmlega tvo mánuði að jafna sig af meiðslunum.
Hann lék tuttugu mínútur í markalausu jafntefli liðsins gegn Newcastle í síðustu umferð en er nú í byrjunarliðinu. Alex Oxlade-Chamberlain er með honum og Gini Wijnaldum á miðjunni.
Jordan Henderson, fyrirliði Liverpool, er í hjarta varnarinnar ásamt Fabinho.
Alex McCarthy, markvörður Southampton, er ekki með liðinu í dag þar sem hann er smitaður af Covid-19. Danny Ings byrjar þá gegn sínum gömlu félögum.
Southampton: Forster; Walker-Peters, Stephens, Bednarek, Bertrand; Walcott, Ward-Prowse, Diallo, Djenepo; Armstrong, Ings.
Liverpool: Alisson; Alexander-Arnold, Fabinho, Henderson, Robertson; Oxlade-Chamberlain, Thiago, Wijnaldum; Salah, Firmino, Sadio Mané
Athugasemdir