Fimm skiptingar verða leyfðar í undanúrslitum enska deildabikarsins en þetta kemur fram í tilkynningu frá EFL-sambandinu í dag. Níu leikmenn mega þá vera á bekknum.
Brentford mætir Tottenham á þriðjudag á meðan Manchester United spilar við Manchester City í grannaslag á miðvikudaginn í deildabikarnum en félögin hafa fengið leyfi fyrir fimm skiptingum í leikjunum sem eftir eru, bæði í undanúrslitum og úrslitum bikarsins.
Fimm skiptingar voru leyfðar í ensku úrvalsdeildinni er síðasta tímabil fór aftur af stað um sumarið en þær eru hins vegar ekki í gildi á þessari leiktíð.
Jürgen Klopp, knattspyrnustjóri Liverpool, hefur barist fyrir því að fá fimm skiptingar í deildinni á þessari leiktíð en það hefur þó ekki borið árangur.
Athugasemdir