Theodór Elmar Bjarnason spilaði sinn fyrsta leik fyrir gríska félagið Lamia en liðið vann góðan 2-0 sigur á Aris í úrvalsdeildinni í dag.
Elmar samdi við Lamia undir lok síðasta árs en hann kom frá tyrkneska félaginu Akhisaspor.
Lamia hafði ekki unnið leik í grísku deildinni fyrir komu Elmars en fagnaði fyrsta sigrinum í kvöld.
Elmar kom inná sem varamaður á 62. mínútu og nældi sér í gult spjald átján mínútum síðar.
Mikilvægur sigur í fallbaráttunni og er Lamia nú með 5 stig eftir ellefu leiki. Flest liðin í deildinni hafa leikið þrettán til fjórtán leiki og á liðið því góða möguleika á að styrkja sig í baráttunni um að halda sér uppi.
Athugasemdir