Sven Botman, tvítugur hollenskur miðvörður, hefur undanfarnar vikur verið orðaður við Englandsmeistara Liverpool.
Botman kemur úr akademíu Ajax en hann hefur á þessari leiktíð verið að spila vel með Lille í Frakklandi.
Liverpool hefur átt í vandræðum vegna meiðsla miðvarða sinna. Bæði Joe Gomez og Virgil van Dijk eru lengi frá, og þá er ekki hægt að treysta á að Joel Matip haldist heill í nokkra leiki í röð.
Botman hefur verið mikið orðaður við Liverpool, en James Pearce, fjölmiðlamaður The Athletic - sem er áreiðanlegur miðill - segir það ekki rétt að Liverpool sé að fara að kaupa hann.
„Það eru engar viðræður í gangi. Liverpool er ekki að íhuga að kaupa hann. Það er eins og einhver sé að reyna að auka áhugann/verðið á þessum varnarmanni Lille," skrifaði Pearce á Twitter.
Það verður fróðlegt að fylgjast með því á næstu vikum hvort Liverpool fái inn miðvörð eða ekki.
No talks over a deal for Sven Botman. Liverpool not considering a move for him. Sounds like someone is trying to drive up the price/interest in the Lille defender. #LFC
— James Pearce (@JamesPearceLFC) January 3, 2021
Athugasemdir