Fótbolti.net

mið 04. janúar 2023 11:57

Elvar Geir Magnússon

Conte segist verða að láta af störfum ef hann sættir sig ekki við verkefnið

Antonio Conte

Mynd: Getty Images

Mynd: EPA

Antonio Conte ítrekar það að hann er ánægður hjá Tottenham en varar við því að hann þurfi að fara ef hann getur ekki sætt sig við að liðið sé ólíklegt til að vinna úrvalsdeildina eða Meistaradeildina á næstunni.

Framtíð Conte er sífellt í umræðunni en samningur hans rennur út eftir tímabilið og úrslitin eftir að keppni hófst að nýju að loknu HM hafa ekki verið góð.

Tottenham var óisannfærandi í 2-2 jafntefli gegn Brentford og tapaði svo 2-0 fyrir Aston Villa. Conte hefur kallað eftir því að stuðningsmenn horfi raunhæft á möguleika liðsins og talaði um það sem kraftaverk að það hafnaði í topp fjórum á síðasta tímabili.

Ekki í fyrsta sinn sem Conte virðist vera að fara að fá nóg af stöðu mála. Á fréttamannafundi fyrir leikinn gegn Crystal Palace sem fram fer í kvöld sagði hann þó að það væri ekki raunin.

Conte segist áfram vera klár í þær 'stóru áskoranir' sem séu hjá Tottenham en viðurkennir í fyrsta sinn að kannski komi að þeim tímapunkti að hann fái nóg.

„Mitt verkefni er að hjálpa félaginu, byggja grunn og reyna svo að bæta hlutina. Verkefni mitt snýst ekki núna um að vinna úrvalsdeildina eða Meistaradeildina. Þegar ég tók við var félagið í erfiðri stöðu að mörgu leyti. Nú er mitt verkefni, og það er mjög skýrt; að hjálpa félaginu að fara í rétta átt, í leikmannavali, skipulag og skapa grunn," segir Conte.

„Þetta eru mínar áskoranir, ef ég vil vera hér áfram þá þarf ég að sætta mig við það. Ef ég geri það ekki þá þarf ég að láta af störfum."

Tottenham hefur rætt við Conte um samning sem færir honum milljón pund í launahækkun á ársgrundvelli. Tottenham er í fimmta sæti ensku úrvalsdeildarinnar og talið er að Conte muni sjá hvernig tímabilið mun þróast. Liðið mun mæta AC Milan í 16-liða úrslitum Meistaradeildarinnar.

Hluti stuðningsmanna Tottenham hefur fengið nóg af leikstíl Conte sem þykir varfærinn. Einnig hefur eigandinn Daniel Levy fengið gagnrýni og hrópað hefur verið í stúkunni að hann eigi að koma sér í burtu.

„Í hreinskilni hef ég ekki heyrt þetta. Allt sem ég get sagt er að það er mikilvægt að halda samheldni milli stuðningsmanna, leikmanna og félagsins. Við þurfum að standa saman," segir Conte. „Ég skil að stuðningsmenn vilja vinna bikara og berjast á toppnum en til að komast á það stig þarf að skapa grunn."

		L	U	J	T	ms:	mf:	mun	Stig
1	Arsenal	34	24	5	5	82	26	+56	77
2	Liverpool	34	22	8	4	75	34	+41	74
3	Man City	32	22	7	3	76	32	+44	73
4	Aston Villa	34	20	6	8	71	50	+21	66
5	Tottenham	32	18	6	8	65	49	+16	60
6	Man Utd	33	16	5	12	51	50	+1	53
7	Newcastle	33	15	5	13	69	54	+15	50
8	West Ham	34	13	9	12	54	63	-9	48
9	Chelsea	32	13	8	11	61	57	+4	47
10	Bournemouth	34	12	9	13	49	60	-11	45
11	Brighton	32	11	11	10	52	50	+2	44
12	Wolves	34	12	7	15	46	54	-8	43
13	Fulham	34	12	6	16	50	54	-4	42
14	Crystal Palace	34	10	9	15	44	56	-12	39
15	Brentford	34	9	8	17	52	59	-7	35
16	Everton	34	11	8	15	36	48	-12	33
17	Nott. Forest	34	7	9	18	42	60	-18	26
18	Luton	34	6	7	21	47	75	-28	25
19	Burnley	34	5	8	21	37	69	-32	23
20	Sheffield Utd	34	3	7	24	33	92	-59	16