Inaki Williams, kantmaður Athletic Bilbao, hefur orðið fyrir kynþáttaníði á tímabilinu og segir að nú sé nóg komið.
Hann og liðsfélagar hans séu búnir að ákveða að ganga af velli næst þegar þetta gerist.
„Ég vona að þetta gerist ekki aftur, en ef þetta gerist aftur þá mun ég hafa stuðning frá mikið af fólki," sagði Williams.
„Ég veit að liðsfélagar mínir munu ganga með mér af vellinum, við höfum rætt um þetta. Okkur er sama þó við fáum dæmt tap því þetta yrði þungt högg í baráttunni gegn rasisma."
Williams er 25 ára gamall og á einn A-landsleik að baki fyrir Spán.
Athugasemdir
