„Möguleikinn að fara ósigraðir í gegnum tímabilið er farinn af borðinu og þrennan er ekki lengur möguleiki. Þeir munu pottþétt vinna ensku úrvalsdeildina en afrekið verður ekki eins stórt," segir Winehouse.

„Eftir tapleikina gegn Chelsea og Watford er mikilvægasti leikur liðsins klárlega gegn Atletico Madrid næsta miðvikudag. Með því að vinna Meistaradeildina aftur yrði það klárlega berið ofan á tertuna sem er að vinna deildina."

Atletico Madrid vann 1-0 á Wanda Metropolitano og spennandi leikur framundan á Anfield. Winehouse segir að það séu þó vandamál sem Liverpool þurfi nauðsynlega að laga fyrir seinni leikinn, þar á meðal sé slök frammistaða Van Dijk.

„Hollendingurinn hefur ekki verið góður síðustu leiki. Í tapinu í gær voru sendingarnar hans algjörlega út úr kortinu og það hafði neikvæð áhrif á sóknarleikinn. Þá var hann veikur þegar kom að skallaeinvígjum. Liðið hefur ekki efni á því að hann eigi aftur svona leik gegn Atletico," segir Winehouse.

Þá segir hann að mikilvægi Jordan Henderson hafi sýnt sig vel að undanförnu en fyrirliðinn hefur verið á meiðslalistanum. Liverpool hefur saknað sköpunarmáttarins og drifkraftsins.

„Klopp þarf að fara með bænirnar sínar og vonast til þess leiðtoginn verði kominn aftur fyrir seinni leikinn. Þeir sem hafa reynt að leysa hlutverk Henderson hafa verið í vandræðum. Miðjan hefur ekki verið að ganga upp."

Winehouse segir lífsnauðsynlegt fyrir Liverpool að fá ekki á sig útivallarmark gegn spænska liðinu og þá þurfa fremstu leikmenn; Salah, Mane og Firmino, að finna taktinn á ný.

„Sannleikurinn er sá að þeir hafa ekki verið eins hættulegir saman síðan liðið fór í vetrarfrí. Það er eins og fríið hafi tekið þá út af sporinu og FDirmino hefur ekki fengið plássið sem hann vill," segir Winehouse.