Fyrri leikirnir í 16-liða úrslitum Meistaradeildar kvenna fara fram í þessari viku. Það voru sex leikir í gær og svo eru tveir leikir í dag. Það eru Íslendingalið í eldlínunni í báðum leikjum.
Núna eftir fimm mínútur hefst leikur BIIK Kazygurt og Bayern München í Kasakstan. Það er hádegi í Kasakstan núna. Karólína Lea Vilhjálmsdóttir er leikmaður Bayern en hún var í viðtali á Fótbolta.net í síðustu viku sem má skoða hérna.
Bayern er besta lið Þýskalands um þessar mundir og hefur unnið alla leiki sína í deildinni til þessa. Karólína Lea gæti spilað sinn fyrsta leik fyrir félagið núna á eftir.
Klukkan 15:00 eiga svo Evrópumeistarar Lyon heimaleik gegn danska liðinu Bröndby. Sara Björk Gunnarsdóttir, landsliðsfyrirliði, er auðvitað á mála hjá Lyon.
Leikir dagsins:
06:00 BIIK Kazygurt W - Bayern W
15:00 Lyon - Brondby W
Athugasemdir