Rogelio Gabriel Funes Mori er tvíburabróðir Ramiro Funes Mori sem margir muna eftir hjá Everton fyrir misgáfulega hluti. Bræðurnir eru þrítugir, Ramiro er miðvörður en Rogelio er sóknarmaður.

Það er greinilega einhver púki í Rogelio líka því eftir að hann skoraði annað mark Monterrey í uppbótartíma fagnaði hann með því að benda á marvkörð Atletico San Luis. Monterrey og San Luis mættust í Mexíkó í nótt.

Samherjar markvarðarins voru ekkert rosalega sáttir við þetta og ekki var dómarinn það heldur.

Funes Mori var spjaldaður og hópuðust menn að Funes Mori. Atvikið má sjá hér að neðan.