Fyrrum leikmaður Schalke, Hiannick Kamba, er fundinn og er hann við hestaheilsu. Það væri ekki í frásögu færandi nema fyrir þær sakir að fyrir fjórum árum var hann skráður látinn. Hann átti að hafa látist í bílslysi í Lýðveldinu Kongó.
Fyrrum eiginkona hans er nú til rannsóknar fyrir tryggingasvindl.
Fyrrum eiginkona hans er nú til rannsóknar fyrir tryggingasvindl.
Hiannick fannst í vikunni í Ruhr-héraði í Þýskalandi, fjórum árum eftir meint bílslys. Dánardagur þessa fyrrum fótboltamanns var 9. janúar 2016.
Bild segir að hinn 33 ára gamli Kamba sé á lífi og sé starfandi sem efnatæknir (e. chemichal technician) hjá orkuveitu í Ruhr. Samkvæmt Bild fór Kamba árið 2018 í þýska sendiráðið í Kinshasha (höfuðborg Lýðveldisins Kongó) til að segja frá falsfréttunum um sitt meinta andlát.
„Kamba segir að hann hafi verið skilinn eftir af vinum sínum um nóttina í janúar 2016. Hann var í Kongó og var ekki með neina pappíra, átti engan pening og engan farsíma," segir Anette Milk, saksóknari við Bild.
Kamba mun nú bera vitni í máli gegn fyrrverandi eiginkonu sinni sem sökuð er um tryggingasvindl en hún fékk greitt þegar Kamba var skráður látinn.
Fyrrverandi neitar sök og segir að hún hafi einungis frétt af lífstryggingunni eftir að Kamba var skráður látinn.
Upplýsingar eru fengnar frá Daily Mail smelltu hér til að lesa grein DM um málið.
Athugasemdir
