Ítalski þjálfarinn Carlo Ancelotti náði stórkostlegum áfanga í kvöld er Real Madrid kom sér í úrslitaleik Meistaradeildarinnar eftir magnað einvígi gegn Manchester City.
Það leit út fyrir að Real Madrid væri á leið úr keppninni eftir að Riyad Mahrez skoraði fyrir City á 73. mínútu og var með tveggja marka forystu eftir leikina tvo en tvö mörk frá Rodrygo undir lok leiks og sigurmark frá Karim Benzema var það sem þurfti til að komast í úrslit.
Þetta er risastór áfangi fyrir Ancelotti. Á dögunum varð hann fyrsti þjálfarinn til að vinna deildarkeppni í fimm stærstu deildum Evrópu og nú setti hann annað met.
Hann er eini þjálfarinn í heiminum sem hefur fimm sinnum komist í úrslitaleik Meistaradeildarinnar. Hann fór þrisvar sinnum í úrslitaleikinn með Milan og núna tvisvar með Madrídarliðinu en hefur bara tapað einu sinni til þessa og það var einmitt gegn Liverpool í Istanbúl árið 2005.
Fyrir leikinn í kvöld var hann jafna Marcello Lippi, Sir Alex Ferguson og Jürgen Klopp en nú á hann metið.
5 - Carlo Ancelotti is the first manager able to reach five UEFA Champions League finals, overtaking Marcello Lippi, Alex Ferguson and Jürgen Klopp (four UCL Finals each). Legend.#RealMadridManchesterCity #RealManCity pic.twitter.com/EcjEhUCL5R
— OptaPaolo 🏆 (@OptaPaolo) May 4, 2022
Athugasemdir