Í leik með Keflavík í Fóbolta.net mótinu snemma í janúar.
Davíð Snær Jóhannsson, leikmaður Lecce á Ítalíu, er mættur í Kaplakrika samkvæmt heimildum Fótbolta.net.
Davíð hefur verið orðaður við FH síðustu daga en FH-ingar ætla sér að styrkja hópinn fyrir næstu 24 leiki í Bestu deildinni.
Davíð hefur verið orðaður við FH síðustu daga en FH-ingar ætla sér að styrkja hópinn fyrir næstu 24 leiki í Bestu deildinni.
Davíð er miðjumaður sem uppalinn er hjá Keflavík en gekk í raðir Lecce í janúar og hefur síðan leikið með Primavera (vara- og unglinga) liði ítalska félagsins. Næsti leikur þess liðs er gegn Roma á laugardag.
Faðir Davíðs Snæs er Jóhann Birnir Guðmundsson og er hann afreksþjálfari FH. Davíð er nítján ára gamall og verður tvítugur í júní. Hann á að baki fjörutíu leiki fyrir U15-U19 ára landsliðin.
FH hefur einnig verið orðað við Lasse Petry, Sigurð Egil Lárusson og þá hefur Emil Pálsson verið að æfa með liðinu.
Athugasemdir
